Archive for Մայիս, 2016

ՎԶԵԲ Գործարարության աջակցման գրասենյակի ղեկավար Գևորգ Պողոսյանը East Invest 2 – Public Private Dialogue Activity ծրագրի շրջանակներում բիզնեսին աջակցող կառույների ֆորումի ընթացքում ներկայացրեց ՎԶԵԲ աջակցությունը` Հայաստանում պետական-մասնավոր երկխոսության հարթակ հանդիսացող ՓՄՁ զարգացման և Տեսչական բարեփոխումների համակարգման խորհուրդներին: Միջոցառմանը մասնակցեցին Հայաստանում ԵՄ պատվիրակության ներկայացուցիչ Լ. Չեխանովսկին,  Եվրոպական բիզնես ասոցիացիայի, ՓՄՁ ԶԱԿ-ի, Երիտասարդ կանանց ասոցիացիայի և մի շարք այլ կառույցների ներկայացուցիչներ:

Միջոցառման ընթացքում քննարկվեցին գործարարությանը՝ հատկապես փոքր բիզնեսին աջակցող հասարակական կառույցների աշխատանքները, կատարվեց մտքերի փոխանակում:

՛՛Տնտեսական հնարավորությունների շաբաթ՛՛ բիզնես ֆորումի շրջանակներում մեր գրասենյակի ղեկավարը սիրիահայ գործարարներին ներկայացրեց Հայաստանում սկսնակ գործարարների համար գործարարությամբ զբաղվելու վերաբերյալ շնորհանդես:

Գևորգ Պողոսյանը ներկայացրեց ՎԶԵԲ Գործարարության աջակցման գրասենյակի աջակցությունը ՀՀ Վարչապետի նախագահությամբ գործող  խորհուրդներին, որոնք հանդիսանում են պետական-մասնավոր երկխոսության հարթակներ, անդրադարձ կատարեց Doing Business -ի Հայաստանի ցուցանիշներին, նշեց բիզնեսի կենսունակության վրա ազդող հիմնական գործոնները և նշեց Հայաստանի գործարար միջավայրի գերխնդիրները: