Գործարարության աջակցման գրասենյակի փորձագետները քննարկեցին ՓՄՁ-ների հարկման առանձնահատկությունները Վրաստանի եկամուտների ծառայության աշխատակիցների հետ

Ուրբաթ, մարտի 28-ին Գործարարության աջակցման գրասենյակի փորձագետները Թբիլիսիում հանդիպեցին  Վրաստանի եկամուտների ծառայության աշխատակիցների հետ` Վրաստանում գործող փոքր և գերփոքր բիզնեսի հարկային օրենսդրության առանձնահատկություններին  ծանոթանալու նպատակով:

Վրաստանի եկամուտների ծառայության աշխատակիցները ներկայացրին ներկայումս կիրառվող միկրո բիզնեսի հարկման համակարգերը` նշելով, որ Վրաստանում սահմանաված միկրո բիզնեսը ազատված  է հարկերից, իսկ փոքր բիզնեսը գործունեություն է իրականացնում շրջանառության հարկի համակարգով` նվազեցնելով ձեռքբերված հարկը ներկայացվող փաստաթղթերի որոշ մասի չափով:

IMAG0061 >>>

0

ՏՏ ոլորտի սկսնակ ընկերությունները երեք տարով պետական աջակցություն կստանան

Սեփական արտադրանք ապահովող ՏՏ ոլորտի սկսնակ ընկերություններին պետական աջակցությամբ արտոնություններ կտրամադրվեն:

ՀՀ կառավարությունը հավանություն է տվել «Տեղեկատվական տեխնոլոգիաների ոլորտի պետական աջակցության մասին» օրենքի նախագծին, որով կարգավորվում են ՏՏ ոլորտի պետական աջակցության հիմնական սկզբունքները: Նախատեսվում է ոլորտին տրամադրել մի շարք արտոնություններ, մասնավորապես, հավաստագրված կազմակերպությունների համար՝ շահութահարկի 0 տոկոս դրույքաչափի, եկամտային հարկի 10 տոկոս դրույքաչափի կիրառում, ինչը էապես կնպաստի նոր ընկերությունների ձևավորմանը, աշխատատեղերի ավելացմանը:

Օրենքի նախագիծը մշակվել է ՀՀ ՓՄՁ զարգացման խորհրդի քարտուղարության և ՀՀ Էկոնոմիկայի նախարարության համատեղ աշխատանքի արդյունքում:

>>>

0

ՓՄՁ զարգացման խորհրդի նիստին քննարկվեց ՓՄՁ-ների համար հարկային բեռի իջեցման հարցը

Վարչապետ Տիգրան Սարգսյանի նախագահությամբ կառավարությունում տեղի է ունեցել ՀՀ փոքր և միջին ձեռնարկատիրության զարգացման խորհրդի հերթական նիստը:
Նիստի օրակարգում ընդգրկված էր երկու հարց՝ ռիելթորական կազմակերպությունների հարկային բեռի նվազեցման և առևտրի ոլորտի ընկերությունների շրջանառության հարկի դրույքաչափի իջեցման քննարկում:
Վերոնշյալ հարցերի առնչությամբ ծավալվել է մտքերի փոխանակություն, որի արդյունքում վարչապետ Սարգսյանը հանձնարարել է համապատասխան գերատեսչություններին ուսումնասիրել նիստում հնչած բոլոր առաջարկությունները և, քննարկելով ՓՄՁ ներկայացուցիչների հետ, համապատասխան խնդիրների լուծման առաջարկություններ ներկայացնել, որոնք քննարկման առարկա կդառնան խորհրդի հաջորդ նիստում:

Աղբյուր` www.gov.am

 

>>>
0