2012թ. նոյեմբերի 21-ին ՀՀ Կառվարությունում կայացավ ՓՄՁ զարգացման խորհրդի արտահերթ նիստը, որի ընթացքում քննարկվեց ՓՄՁ միջավայրի վրա հարկային օրենսդրության փոփոխությունների փաթեթի ազդեցության հարցը: ՓՄՁ շահերը ներկայացնող հասարակական կազմակերպությունների ղեկավարները իրենց գոհունակությունը հայտնեցին մի շարք օրենքներում փոփոխությունների վերաբերյալ. կարծիքները հաստկապես դրական էին «Շրջանառության հարկի մասին» ՀՀ օրենքի վերաբերյալ:
>>>
Ձեռներեցության համաշխարհային շաբաթվա շրջանակներում նոյեմբերի 16-ին ՀՀ Էկոնոմիկայի նախարարությունում տեղի ունեցավ Վերակառուցման և Զարգացման Եվրոպական Բանկի Գործարարության աջակցման գրասենյակի կողմից կազմակերպված սեմինար-քննարկումը:
Գործարարության աջակցման գրասենյակի աշխատակիցները ներկայացրին Հայաստանում գործարարության զարգացման հարցում գրասենյակի դերն ու իրականացրած աշխատանքները, ինչպես նաև «Պետական-մասնավոր երկխոսությունը որպես ձեռներեցության խթանման միջոց» գործնական դասընթացը:
Հանդիպմանը ներկա էին մի շարք սկսնակ գործարարներ, գործարարության շահերը ներկայացնող կառույցների ներկայացուցիչներ, ինչպես նաև մասնակիցներ Էկոնոմիկայի նախարարությունից: Հնչեցին հետաքրքիր հարցեր` տնտեսավարողների գործունեության հետ կապված ընթացիկ խնդիրների վերաբերյալ, քննարկվեցին առաջարկներ նշված խոչընդոտների հաղթահարման ուղղությամբ:
>>>